Xarunta horumarinta ee Salaama oo kaashanaysay wasaaradda waxbarashada iyo tacliinta sare Puntland ayaa maanta jaamacadda PSU ku qabtay Dood cilmiyeed looga hadlayey arimaha Doorashooyinka Dadban Ee Soomaaliya 2016.
Dood cilmiyeen ayaa waxaa ka soo qayb galay aqoon yahano, ardayda jaamacadaha iyo masuuliyiin ka socotay Dawladda Puntland oo uu hurmuud u ahaa wasiirka waxbarashada Dr, Abshir Yuusuf Ciise.
Doodaan ayaa lagu lafo gurayay arrimo ay kamid yihiin, Soomaalida iyo dimuqraadiyada, tilmaamaha hogaanka wacan ee marxaladaan cusub iyo dowlad wanaaga iyo isla xisaabtanka.
Wasiirka waxbarashada Puntland Dr. Abshir Yuusuf Ciise ayaa soo dhoweeyay doodaan, isagoo hoosta ka xariiqay in ay laga maarmaan tahay in si cilmiyin ah looga falanqoodo marxalada hadda lagu jiro ee doorashooyinka .
Dr. Cabdi Samad Axmed Jaamac oo kamid ah masuuliyiinta xarunta Salaama ayaa sheegay madashaan inay ugu talo galeen in looga doodo hogaamiyaha leh tilmaamaha wanaagsan iyadoo laga eegayo aragtida cilmiyeed.
“Dadkeenu way ka dharagsan yihiin aragtida siyaasadeed ee xilligaan sidaas daraadeed waxaan go’aansanay inaan doodeena ku saleyno aragtida cilmiyeed ee aan ka aaminsanahay hogaamiyaha leh tilmaamaha wanaagsan,” ayuu yiri Dr. Cabdisamad Axmed Jaamac.
Aqoonyahanadii madasha ka hadlay ayaa jeediyay mowduucyo muhiim ah oo ka hadlayay Soomaalida iyo dimuqraadiyada, tilmaamaha hogaamiyaha wanaagsan iyo maamulka wanaagsan iyo isla xisaabtanka.
Daawo Sawiradda.
